【打機唔比都算，仲要唔比睇A片打飛機？】
利申我係貨真價實既女人。
一直以來有個社會現象我都唔明，就係點解香港女人咁抗拒男人睇A片？認真，唔係吹水，我知道唔少女人咁諗。連做男人最基本既權利都冇，搞到我覺得生存喺香港真係一件好慘既事。可能香港性教育真係非常不足，只有香港先咁奇怪會覺得睇A片、打飛機係污穢既事。根據嗰啲女人所講：「我覺得睇A片就好似出軌咁。」「要自己打飛機，一定係唔中意我喇！」，唉，可唔可以FF少陣，睇下我以下講既說話呢？
就好似女人話題咁離唔開是非同化妝，而男人既話題就係女人同錢之。兩性既關注問題唔一樣，你問佢地唔睇A片得唔得，咁佢地問返你唔講人事非得唔得？人有慾望同生理需要係好正常，你愈想抑壓佢，佢就會愈強烈。如何你想減肥，完全唔食野，到左臨界點嗰陣爆發出黎，見到野食嗰陣就會忍唔住狂食囉，同睇A片一樣道理之嘛！
你又試諗下，有一個中意睇A片既男朋友好正架，佢平時已經發洩曬，相對黎講都難啲出去搞搞震啦，邊有咁多精力呀？如果你肯同佢一齊欣賞既話，仲可以為你地增加情趣同氣氛，當然你又會知多啲佢喺性上面既喜好，更加夾得埋。平時男人有咩情緒唔習慣講比人知，要舒緩壓力有時就靠呢個方法。
可能有啲人好勞氣：「點解我喺度都要睇？係咪嫌我唔夠大波、唔夠靚之類？」，喂大佬你夠一日到黑睇韓劇啦，咩都敏俊、宋仲基、孔劉呢啲，當正啲男演員係你真男朋友/老公咁。依家我問你喇：「咁點解有男朋友都要睇呢？唔通你覺得韓仔正過你男朋友？」，假若你唔係一個瘋韓既女人又問呢個問題，我會話因為你同佢既興趣唔一樣，你既興趣可能係畫畫、唱歌、跳舞，而佢既興趣係打波、打機、加埋打J而已。
講真睇一陣A片真係會同女優拍拖、結婚、生仔咩？由好耐以前有研究已經確實左，唔打飛機係會有更大機會患上前列腺癌，你想佢久唔久發洩下定係患癌賣咸鴨蛋先？拿，但係你真係唔想同佢一齊睇都冇問題既，由佢自己一個睇囉不過大家會少左一種樂趣姐。
Search